CAGAYAN DE ORO CITY – Ilusad na sa alyansa ni City Mayor Rolando ‘Klarex’ Uy ug Cong. Rufus Rodriguez sa segundo distrito ang kuwalisyon sa ONE Kagayan,Katawhan Una sa Tanan sa Aquilino Pimentel Jr International Convention Center sa Taguanao,Brgy Indahag ning syudad karong buntag.
Kini agi’g sinyales nga pormal nang ipaila sa duha ka grupo ang ilang mga linya sa mga kandidato nga modagan sa 2025 elections sa dakbayan.
Namahayag si City Vice Mayor Jocelyn Rodriguez nga anaa sa 8-mil ka political supporters ang dad-on sa duha ka pundok aron ipakita ang kalig-on sa puwersa sa piliay sunod tuig.
Si Mayor Klarex,Cong Rufus ug Vice Mayor Bebot ang kabahin lang sa subli magpapili sa ilang gihuptang posisyon kuyog ang kasamtangan ug bag-ong mga mo-kandidato pagka-kongresista sa distrito uno ingon man sa mga konsehales.
