CAGAYAN DE ORO CITY – Hayan maghiusa sa puwersa ang bando ni City Mayor Rolando ‘Klarex’ Uy ug Centrist Democratic Party ni 2nd District Cong.Rufus Rodriguez sa 2025 midterm elections.
Kini human mihimo sa unang higayon nga pagbisita si Rodriguez kuyog sa iyang brgy kapitanes sa buhatan ni Uy sa city hall kagahapong adlawa.
Namahayag ang mayor nga gusto lamang sa kongresista nga ipaabot ang pagsuporta sa liderato sa syudad kuyog sa iyang igsoon nga City Vice Mayor Jocelyn ‘Bebot’ Rodriguez.
Sa miaging brgy ug sk elections,wala butangi’g kandidato pagka-kapitan ni Klarex ug Rufus ang ilang tagsa-tagsa ka brgy aron dili magka-kontra ang ilang tagsa-tagsa ka puwersa.
Hisayrang sa miaging Enero,namahayag si kanhi City Mayor Oscar Moreno nga andam kining mobalik pagdagan pagka-mayor kon walay lig-on ug tarong nga kandidato nga mobangga kang Klarex.
