CAGAYAN DE ORO CITY – Wala sa ‘authoritarian governance’ ang kasamtangang pagdumala sa city hall sukwahi sa gipatoo sa kampo ni kanhi City Mayor Oscar Moreno.
Kini ang tubag ni City Mayor Rolando ‘Klarex’ Uy kabahin sa pagsaway sa kanhi mayor nga giwad-ag kahigayunan maka-trabaho ang job orders kay nabulit sa pagduda nga wala kaniya ang ilang suporta.
Miingon ang mayor nga dili niya kinaiya nga magpatoo nga adunay taas nga kahibalo ug mangangkon kon unsa man ang nasakmit nga kalampusan ug dungog alang sa dakbayan.
Si Moreno ug Klarex ang kanhi magka-alyado sa politika apan maoy mag-engkuwentro sa pagka-mayor sa Mayo 12 nga piliay sa dakbayan.
