CAGAYAN DE ORO CITY – Giaghat ni City Mayor Klarex Uy pinaagi sa City Health Office ang katawhan nga magbinantayon nga dili makatampisaw sa mga makaliton nga pagbaha palibot sa syudad.
Kini aron kalikayan nga matakbuyan sa sakit nga leptospirosis nga dala sa mga hugaw gikan sa mga ilaga.
Gihimo ni Janboy Actub,tigpamaba ni Mayor Klarex ang pasidaan nunot sa nasinatian nga pagbaha sa Brgy Iponan,Brgy Camaman-an,Brgy Iponan ug Brgy Bulua sa syudad niadtong Martes.
Kini ang rason nga gipalanog sa mayor nga angayang motumar sa doxycycline ang mga tawog nahumod sa tubig-baha aron adunay pang-proteksyon.
Siya miingon nga angayang modalikyat sa kabarangayan kadtong mga nahumod sa mga baha kay dili kakumpiyansahan ang maong sakit kay makamatay.
Hisayrang epekto sa hanging Habagat ang kalit nga pagbundak sa grabeng kakusog sa ulan rason nga gibaha ang maong mga brgy ning semanaha.
