CAGAYAN DE ORO CITY – Diretsong giangkon ni City Mayor Rolando ‘Klarex’ Uy nga nanghatag kini ngadto sa katawhan sa syudad sa milabay’ng eleksyon.
Gihimo sa mayor ang prangka nga tubag nunot sa pasangil nga grabe ang pagpamalit sa boto niini ngadto sa mga botante aron mahuptan ang ikaduhang termino.
Siya miingon nga dili niya ihimakak nga nanghatag siya apan dakong bakak nga namalit kini’g boto.
Misumbalik kini’g batikos sa iyang mga kritiko kung adunay matudlo nga mga kandidato nga wala nanghatag sa matag-eleksyon.
Gipasabot niini nga maoy iyang dayag gipanghatag sa milabay’ng piliay ang mga bugas, relief goods ug ubang serbisyo nga gikinahanglan sa katawhan.
Dumduman nga maoy gikasangka sa re-election ni Klarex si kanhi City Mayor Oscar Moreno ingon man si Pompee La Viña diin siya nakakuha sa sobra 170-mil botos.
Hisayrang nakasampit si Moreno nga giingong anaa sa dili moubos uno-bilyones pesos ang nagasto ni Klarex sa milabay’ng Mayo 12 nga piliay sa dakbayan.
