CAGAYAN DE ORO CITY – Dili igsapayan ni City Mayor Rolando ‘Klarex’ Uy nga katisguhon kini sa mga sakop sa mga sakop sa media apan sa mga lehitimo nga mga isyu lamang.
Kini tungod kay kabahin na sa iyang kinabuhi ang pagsilbing politico ang mga pagsaway sa pipila ka wala makaangay kaniya gamit ang media.
Siya miingon nga makamahay lamang tungod kay dili kalikayan nga madamay ang iyang mga sakop sa banay nga wala pa sukad misulod sa politika.
Kini tungod kay adunay mga higayon nga tataw nga kulang sa kahibawo ang mga pagbatikos ngadto kanila aron lang makahimo’g pagpangdaut ilabina sa panahon sa eleksyon.
Apan bisan niini,wala niya gikasakit ang mga paghinaway sa media kay tipik kini sa ilang trabaho.
Gani, bisan sa mga paghinaway sa pipila ka sakop sa media kaniya,iya na kining napasaylo kay dugay na niya nadawat ang pagsilbing alagad sa katawhan.
Gipasabo niini nga may makauyon ug adunay dili moangay sa mga palisya ug mga programa ubos sa pagdumala niini sa dakbayan.
Gihimo sa mayor ang maong mensahe atol sa gihimong Year End Evaluation kuyog ang media partners sa city hall sa Dynasty Court Hotel ning syudad kaganihang buntag.
Mitunol usab sa balor 50-mil pesos nga salapi ang mayor mismo sa maong kalihukan.(Hulagway ni Ric Y. Ociones)
