CAGAYAN DE ORO CITY – Nakasaway si kanhi City Mayor Oscar Moreno sa direktang pagpakahilom sa kampo ni City Mayor Rolando ‘Klarex’ Uy kabahin sa lagpak nga pagbaton sa sa city govt sa Seal of Good Local Governace o SLGL award.
Kini human walay gihimong pagpasabot ang mayor ug gihilom lang sa iyang mga media propagandist ang pakyas pagkakuha niini.
Miingon si Moreno nga mihangyo’g konsiderasyon pinaagi sa resolusyon sa city council ang syudad apan wala sukad itug-an sa city hall nga lagpak na diay kini sa SGLG.
Gibutyag sa kanhi mayor nga dako’g epekto sa syudad ang wala pagbaton sa SGLG kay nagkahulugan kini nga lapigan pa sa mga syudad sa Gingoog ug El Salvador ang Cagayan de Oro.
Sa tuig 2023,SGLG awardee ang syudad diin mismo si Klarex ug mga sakop sa konseho ang personal midawat niini didto sa kauluhan.
Hisayrang si Klarex ug Moreno nga kanhi magka-alyado ang magka-engkuwentro sa 2025 elections sa pagka-mayor sa dakbayan.
