CAGAYAN DE ORO CITY – Mihangyo ang tigpamaba ni City Mayor Rolando ‘Klarex’ Uy nga si Janboy Actub nga isibog na sa konseho sa Brgy Lumbia ang pag-deklara kaniya isip ‘persona non grata.
Kini human unang nakasulti si Actub nga walay ihatag nga libreng relokasyon ang city govt sa sobra 200 ka pamilya nga apektado sa demolasyon sa Sitio Palalan,Brgy Lumbia sa dakbayan sa miaging bulan.
Namahayag si Actub nga gibakwi na niya ang nasulti niini sa kahanginan rason nga dili angay madamay si Mayor Klarex sa iyang kaugalingong kapalpakan.
Una nang nadismaya ang mga pamilya nga apektado sa demolasyon sa nadungog nila kang Actub rason nga halos nawad-an na sila’g paglaum ug napugos pagsukol ang pipila kanila sa mga pulis nga naghatag seguridad sa demolasyon.
