CAGAYAN DE ORO CITY – Gipasalig ni City Mayor Klarex Uy nga ipalig-on ang sihag ug adunay tulubagon nga pagdumala sa mga kalihukan sa dakbayan.
Kini human iyagyag sa mayor ang iyang mga plano alang sa dugang kaugmaran sa syudad alayon sa ikaduha niini nga termino pag-alagad sa katawhan.
Gihimo sa ni Klarex ang pasalig mismo sa iyang city mayor’s term report atubangan sa libuang katawhan nga mitambong sa Atrium,Limketkai Mall ning syudad kagahapong adlawa.
Paghuman sa maong diskurso,gilayong mihurar si Klarex kuyog sa ubang nangdaug nga mga kandidato sa milabay’ng May 12 elections alang sa pagsugod nila sa dugang mandato sa Hunyo 30 ning tuiga.
Samtang makahuluganon usab ang mga gilitok nga mga pulong ni Uy atubangan sa katawhan.
Kini tungod kay gipahinungod usab niya ang maong mga mensahe alang sa mga unang mga nahimong mga mayores sa dakbayan.
Namahayag si Mayor Klarex nga dili ingon ani ang paglambo sa Cagayan de Oro kung wala sugdi sa unang mga lideres aron makab-ot ang pagsilbing highly urbanized city niini.
Hisayrang gisaulog usab sa Cagayan de Oro ang ika-75 ka tuig nga pagsilbing chartered city niadtong Hunyo 15 ning tuiga.
