CAGAYAN DE ORO CITY – Tiwason ni kanhi City Mayor Oscar Moreno ang mga iyang mga proyektong wala matibawas kon pabiling dili humanon sa administrasyon ni incumbent ni City Rolando ‘Klarex’ Uy epekto sa naghinobrang pagpamolitika niini sa dakbayan.
Kini ang panganti ni Moreno nunot sa pagka-delatar pagsamot nga magamit ang balor 60 milyones pesos nga 42 ka lawak-saringan sa Cugman National High School kay gipangkawat ang linya sa koryente.
Miingon si Moreno nga tungod sa pagka-traditional politician ni Klarex,napasagdan ang mga proyekto nga alang unta sa edukasyon kay nabalaka kini nga magpabilin ang simpatiya sa katawhan sa kanhi administrasyon.
Nadiskobre nga ang maong 4-storey school building ang sobra duha ka tuig nang natugyan sa kontraktor sa DepEd apan dili magamit kay walay linya sa tubig ug kutay sa koryente rason gihimong suyupanan sa pipila ka tambaya sa ilegal nga droga.
Apan alang sa panig sa mayor,bakak ug nagpasiatab lang ni Moreno ang isyu nga pagdumili ni nga tibawason ang mga dagkong mga proyekto sa milaby’ng administrasyon sa dakbayan.
Namahayag si Janboy Actub,tigpamaba ni Mayor Klarex nga naggahin na sa minilyong pondo ang city govt alang sa energy ug water systems sa maong tunghaan apan dili masugdan kay gipangkawat na ang pipila ka linya niini.
Kini ang rason nga gitahasan sa mayor ang local school board nga susihon ang kakulangon aron mahatagan sa prioridad ug magamit na sa sunod nga school year sa katawhan sa maong brgy.
