CAGAYAN DE ORO CITY – Gibuking ni kanhi City Mayor Oscar Moreno ang palusot ni incumbent Mayor Rolando ‘Klarex’ Uy nga wala kini kasayuran nga dunay school project nga natukod ug natugyan na sa city govt ang pagdumala niini.
Namahayag ang kanhi mayor nga Agosto 2022 pa mipirma sa dokumento si Uy pagmatood nga gidawat ang proyekto ug gibayran sa city govt ang kulang nga bayron ngadto sa kontraktor niini.
Siya miingon nga angayang mismo si Uy kinsa chairman sa local school board ug DepEd ang manubag sa pagpasagad sa pag-atiman sa dugang unta nga tunghaan sa dakbayan.
Hisayrang sobra 90 million pesos ang nagasto sa pagpalit sa yuta ug katukuran sa tunghaan sa kanhi Moreno administration.
