CAGAYAN DE ORO CITY – Nakahurar na alang sa ikaduhang termino sila City Mayor Klarex Uy ingon man si City Vice Mayor Jocelyn Rodriguez, 2nd District Cong. Rufus Rodriguez ug mga konsehal alayon sa ilang pag-alagad sa katawhan sugod Hunyo 30 ning tuiga.
Gihimo sa mayor ang pagpanumpa igo paghuman sa iyang paghatag sa city mayor’s term report atubangan sa libuang mga bisita sa Atrium,Limketkai Mall ning syudad bag-uhay lamang.
Misaad si Klarex nga dugang serbisyo ang ipaabot ngadto sa katawhan ilabina sa pagpadayon sa mga programa niini nga nagsugdan sa unang tulo ka tuig sa paglingkod sa city hall.
Mihangyo kini sa iyang mga kaalyado sa politika nga dili siya pasagdan alang sa pagtunol sa batakang serbisyo sa katawhan nga naglaum sa makabubuhong nga pag-alagad alang sa dakbayan.
Gihataga’g importansiya ni Uy ang iyang gihingusgan nga RISE devt agenda nga nagkahulugan sa Regional Leadership, Institutional Development, Safety and Security and Economic Recovery.
