CAGAYAN DE ORO CITY – Gikuwestiyon ni kanhi City Mayor Oscar Moreno si incumbent City Mayor Rolando ‘Klarex’ Uy kon nganong miabot pa sa punto nga personal singlon sa kadagkuan sa Xavier University ang obligasyon sa city govt kabahin sa paggamit sa ilang pasilidad sa panahon sa COVID-19 pandemic sa syudad.
Kini human kabahin sa halos 3 bilyones pesos nga gibilin nga utang ni Moreno ang wala pagbayad sa paggamit sa pipila ka pasilidad sa maong unibersidad aron pahimutangan sa mga biktima sa pandemya kaniadto.
Miingon si Moreno nga kon gitrabaho lang unta ni Uy ang maong obligasyon,madiskobre niini nga dunay minilyong pondo nga hatagunon ang Philhealth nga sobra-sobra ibayad sa gibulgar niini nga utang sa dakbayan.
Apan tubag ni Uy nga angayang ang pondo gikan sa Bayanihan 1 ug Bayanihan 2 ang gibayad sa binilyong utang ni Moren ug dili magsalig gikan sa Philhealth collections.
Kini ang tubag ni ‘Klarex’ kabahin sa depensa ni Oca sa pagbato’g halos 3 bilyones pesos nga utang sa dakbayan sa miaging administrasyon.
Namugos si Uy nga kon tinud-anay nga wala magpasagad si Moreno sa iyang obligasyong-pinansyal,dugay ra unta nabayran ang maong mga utang gamit ang pondo gikan sa nasudnong kagamhanan.
