CAGAYAN DE ORO CITY – Gisubli ni City Mayor Oscar Moreno ang iyang pag-endorso kang Cagayan de Oro 1st District Rep Rolando’ Klarex’ Uy nga maoy ipadagan pagka-alkalde sa syudad sa 2020 elections sa syudad.
Kini human hugot ang pagtoo ni Moreno nga anaa kang Uy ang kapas nga madumala pag-ayo ang ibilin niya nga mga programa sa syudad paghuman niini sa iyang termino.
Si Moreno ang anaa sa katapusang tulo ka termino sa pagka-mayor sa syudad ug bugtong si Klarex lamang ang wala motalikod kaniya dihang naputos sa kurapsyon ug kriminal nga gipasaka sa iyang mga kaatbang sa politika sa syudad.
Gihimo ni Moreno ang pag-endorso kang Uy dungan sa kasaulugan sa birthday ni Carmen Brgy Kapitana Lorna Uy gabii.
Samtang gikataw-an lamang sa kampo ni Misamis Oriental Gov. Bambi Emano ang pag-endorso ni Moreno kang Uy nga mosunod nga mangulo sa syudad.
Miingon si Misamis Oriental Provincial Information Office spokesperson Carlo Dugaduga nga sayo pa kaayo aron hisgutan ang politika apan hinoon ilang gi-0respeto ang nakab-ot nga hukom ni Moreno.
Namugos si Duga-Duga nga dili nila suliran aron atbangan si Moreno apan maoy pokus una nila ang pagsilbi sa katawhan sa lalawigan.
