CAGAYAN DE ORO CITY – Wala tungahi sa ikaduhang higayon ni City Mayor Rolando ‘Klarex’ Uy ang imbitasyon kaniya isip resource person sa House Committee on Suffrage and Electoral Reforms sa kamarabaha ning adlawa.
Kini sa tuyo nga direktang unta makuhaan sa iyang mga testimonya ug pagpasabot kon nganong grabe ang pagsaka sa bag-ong mga botante sa Brgy Carmen nga kasamtangang gidumala sa iyang anak nga si Punong Brgy Kikang UyMiingon ang iyang tigpamaba nga si Janboy Actub nga si city administrator Atty. Halario Raagas lang gihapon ang mo-presentar sa mayor alang sa maong pagdungog.
Namugos si Actub nga naka-official business travel si Klarex may koneksyon sa mga katikaran sa dakbayan rason nga dili matambungan ang pagpatawag kaniya sa komitiba.
Sa pikas bahin,nakalugar na’g tambong si KapKik sa maong pagpatawag.
Kini gilakipan usab sa pipila ka managers sa dagkong mga departmento sa sa city hall nga apil sa pangayuan’g katin-awan sa pagdungog sa maong isyu.
Sa miaging pagdungog wala katungaa si Kikang kay giingong adunay importanteng giatiman nga isyu sa barangay.
Hisayrang unang gi-reklamo ni Cagayan de Oro 1st District Cong. Lordan Suan ang pagtala sa 21-mil ka botante sa maong brgy diin sobra 8-mil niini ang nahatagan sa brgy residence certificates sa miaging voters registration.
