CAGAYAN DE ORO CITY-Dayon ang klase sa tanang pampublikong tunghaan ilabina sa elementarya ug sekondarya dinhi sa rehiyon karong adlawa.
Kini human gimando ni DepEd Sec Leonor Briones nga dili angay madamay ang edukasyon sa kabataan bisan nga may engkuwentro sa militar batok mga terorista sa Marawi City.
Gibutyag ni DepEd regional director Dr Allan Farnazo nga andam na ang tanang magtutudlo aron mohatag sa unang leksyon sa kabataan nga motungha ning adlaw sa rehiyon.
Dugtong niini,gatusang kapolisan ang ikatag sa bisinidad sa mga tunghaan ning syudad karong adlawa.Samtang gihupay sa grupong National Confederation of Transport Union o NCTU Northern Mindanao Chapter ang kabalaka nga may mahitabo nga transport strike ilabina sa syudad ug lalawigan ning adlawa.K
ini bisan nga may ilusad pa gihapon nga transport pahulay ang nasudnong grupo sa Pagkakaisa ng mga Samahan ng Tsuper at Operators o PISTON sa kauluhan karong adlawa.
Gibutyag ni NCTU regional coordinator Joel Gabatan nga ilang gisibog ang pagwelga tungod sa pagpatawag sa senado kanila kuyog ang kadagkuan sa LTFRB.
Dugtong niini,gipasalamatan usab ni LTFRB regional director Allan Guro ang NCTU ug ubang grupo tungod sa pagsibog una sa ilang duha ka adlaw nga transport pahulay sugod unta ning adlawa
