CAGAYAN DE ORO CITY – Gikompirmar ni Lanao del Norte Provincial Police Spokesperson Police Major Salman Saad nga suspendido ang mga klase sa tanan lebel sa mga pampublikong tunghaan sa lima ka munisipalidad nga grabeng naapektuhan sa ulan dala sa Bagyong Falcon, sa Lanao del Norte.
Walay klase sa mga tunghaan ug lokal nga kagamhanan sa Salvador, Sultan Naga Demaporo, Sapad, Lala, ug Kapatagan.
Hinoon, gitin-aw ni Major Saad nga taliwala nga walay mga opisina sa gobyerno, padayong aktibo ang lokal nga kagambahan aron i-apud ang mga relief goods sa kapin 10,000 ka mga indibidwal nga nabahaan ug nawad-an sa balay.
Gibutyag sab sa lokal nga kagamhanan sa Sultan Naga Demaporo ug Kapatagan nga nakasinati sila sa pagkapalong sa sugang dagitabnon, sukad kagahapong adlawa.
Sa pagkutlo ning balita, gikompirmar ni Saad nga naka-abot na ang tabang ayuda gikan sa DWSD sa mga apektadong munisipalidad. (VC-2 CUE .. OUT) Si Police Major Salman Saad, spokesperson LDN police provincial office.
