Gibansagan sa Kilusang Mayo Uno (KMU) si President Ferdinand Marcos Jr. isip “presidente sa mga negosyante ug langyaw” ug dili para sa mga kabus nga sektor sa katilingban.
Matud sa chairperson sa grupo nga si Jerome Adonis, sayon ra unta sa lider sa nasud ang pagpangita og paagi aron ipatuman ang mga lakang sama sa pagtangtang sa VAT ug excise tax sa mahal nga gasolina, pagpaubos sa presyo sa mga palaliton, ug pagtaas sa suweldo sa mga mamumuo karong panahona.
Apan giingon niya nga wala kini buhata sa pangulo.
Matud pa niya, nagpasabot lamang kini nga mas pabor ang lider sa nasud sa interes sa negosyo imbis sa katawhan nga naglisod karong panahon sa krisis, samtang ang mga negosyante nag-uros-uros ang salapi sa pagpahimulos sa kahimtang aron makakwarta.
