Gikondena sa grupong Kilusang Mayo Uno (KMU) ang padayon nga kahimtang sa mga mamumuo nga makadawat gihapon og suhol nga ubos pa sa minimum wage, ilabi na karong panahon sa krisis.
Sumala ni Tita Hadman sa KMU, adunay mga carinderia ug uban pang negosyo nga nagahatag lamang og ₱350 nga suhol sa mga trabahante, nga klarong ubos sa minimum wage.
Butyag niya nga bisan katungod sa mga trabahante nga magreklamo ug mangayo sa insaktong suhol, daghan ang napugos na lang nga modawat sa kahimtang tungod sa kahadlok nga mawad-an og trabaho.
Matod pa niya, kini nga sitwasyon nagpakita sa kakulang sa implementasyon sa labor standards ug proteksyon sa mga mamumuo.
Busa, panawagan sa KMU nga unta mahunong na ang paglapas sa minimum wage ug hatagan og hustisya ang mga trabahante nga apektado sa maong sistema.
