Dakong paglaom sa mga mamumuo, nga unta pabor sa mga trabahante ang himuong mga desisyon sa bag-ong kalihim sa Department of Labor and Employment.
Subay niini, gipunto niya nga importante alang sa ilang sektor nga dili lang paboran sa bag-ong liderato ang mga negosyante aron dili mabiyaan ang mga katungod sa mga trabahante.
Dugang pa, gilatid ni Tita Hadman sa grupong Kilusang Mayo Uno (KMU) Northern Mindanao nga nga usa sa mga nag-unang problema sa labor sector ang ubos nga sweldo ug ang nagpadayon nga isyu sa contractualization ug manpower agencies.
Busa, nanawagan siya nga unta wagtangon na kining sistema sa kontraktwalisasyon ug himuon na nga direct employees ang mga trabahante, ilabi na kon ang ilang trabaho importante ug gikinahanglan sa negosyo.
nanghinaot ang grupo nga sa panahon sa paglingkod ni Secretary Tolentino, masulbad na kining dugay na nga problema nga dugay na nilang gipaabot nga matapos.
