CAGAYAN DE ORO CITY – Nasubo ang nanglangkob sa National Basketball Association o NBA ingon man ang minilyong fans niini sa tibuok kalibutan.
Kini tungod sa pagpanaw sa ni NBA superstar Kobe Bryant human mahagsa ang gisakyang helicopter sa Calabasas, Los Angeles, California kaganihang kadlawon.
Sakay si Bryant sa iyang private chopper kauban ang laing tulo ka tawo dihang nahitabo ang aksidente. Padayon pang giimbestigaran sa mga otoridad ang hinungdan sa insidente.
Gikonsiderang greatest NBA players of all time ang 41-anyos nga si Bryant diin misakmit kini sa 18 ka All-Star sulod sa iyang 20 ka tuig nga karera sa Los Angeles Lakers.
Gihatagan usab sa 5 ka championships sa nailang ‘The Black Mamba’ ang Lakers diin giila isip NBA Finals MVP sa duha kahigayon ug League MVP niadtong tuig 2008.
Nabiyaan ni Bryant ang iyang kapikas nga si Vanessa ingon man mga anak nga sila si Gianna, Natalia, Bianca ug bag-ong himugso nga si Capri.
Si Bryant ang makapila usab ka higayon nga nakabisita dinhi sa Pilipinas sa miaging katuigan.
