CAGAYAN DE ORO CITY, Philippines – Direktang gihimakak sa mga abogado ni Kingdom of Jesus Christ (KOJC) Church founder Pastor Apollo Quiboloy nga siya nasikop, subay sa social media post ni Department of Interior and Local Government (DILG) Secretary Benhur Abalos.
Segun sa SMNI Host Dr. Lorainne Badoy walay aresto nga nahitabo sulod sa KOJC Compound sa Davao.
Si Quiboloy kasamtangang nag-atubang sa kasong paglapas sa Section 5(b) ug Section 10(a) sa Republic Act 7610 o ang Special Protection of Children Against Abuse, Exploitation, and Discrimination Act.
Gihika usab ang pastor sa Pasig City Court human kini gi-akusahan nga nalambigit sa human trafficking – Section 4(a) sa Republic Act No. 9208 ug walay girekomendar nga piyansa.
