CAGAYAN DE ORO CITY – Gilusad sa kapolisan ang lapad nga operasyon batok sa suspek nga midunggab-patay sa dalaga nga nag-inusarang natulog sulod sa kuwarto sa ilang balay sa Dinogon,Brgy Sta. Ana, Tagoloan,Misamis Oriental.
Nangulo sa manhunt operation si Tagoloan Police Station commander Major Renz Marion Serrano aron ipaubos sa imbestigasyon ang wala pa mailing suspek nga responsabli sa maong kremin.
Pasiunang imbestigasyon nagsulti nga miagi sa bintana ang suspek aron makasulod sa kuwarto kay gitoohang luguson unta niini ang tulog nga biktima apan misukol hinungdang gidunggab kini nga nag-resulta sa iyang kamatayon.
Dugang sa imbestigasyon nga mismo na ang usa ka menor de edad ang nakabantay nga wala na’y kinabuhi ng biktima diin naligo pa sa kaugalingong dugo.
Dugtong niini,gimando ni Tagoloan Mayor Atty. Nadya Emano Elipe sa kapolisan nga mapadali ang pagdakop sa mihimo sa kremin aron mahatagan sa hustisya ang gidangatan sa biktima.
Nasuta nga anaa na sa ikaduhang tuig sa kursong Bachelor of Science in Business Administration sa Tagoloan Community College.
Nasayran usab nga aktibong lumilihok sa simbahan ang biktima kinsa makalolooy nga gipatay sa nakasibat nga suspek sa miaging gabii.(Photo by:Cyril Cambalon Jr)
