Gipamugos sa komandante sa 4th Infantry Division nga walay angay ikabalaka sa midunggo nga dakung barko nga iya sa US Force sa Macabalan Port, ning syudad.
Gipasalig ni Major General Michelle Anayron, 4ID Commading General nga tipik lamang kini sa gamitong barko sa Balikatan Exercises nga nasugdan Marso 12 ug tak-upan sa Marso 26.
Tipik sa duha ka semana nga aktibidad sa kasundaluan sa Pilipinas ug Amerika ang pagpukos sa territorial defense, coastal security, humanitarian assistance, ug disaster response.
Subli, gipamugos ni Anayron nga dili konektado ang ilang kalihukan sa gubot sa Middle East.
Una niini gipasabot ni Anayron nga dugay nang naka-iskedyul ang Balikatan Exercises ug nakapagawas silag abiso sa wala pa mibutho ang pag-atake sa Amerika sa Iran
