CAGAYAN DE ORO CITY, Philippines – Pilian pa sa senado kung ang Committee on Justice, Committee of the Whole, Committee on Drugs o ang Blue Ribbon Committee ang muhawid sa War on Drugs Campaign ni kanhi Presidente Rodrigo Duterte.
Una nang mipadayag si Senate President Francis Chiz Escudero nga dili niya opsyon nga muhawid sa committee hearings ang mga na-implikar sa duguong kampanya nga sila Senador Ronald Bato dela Rosa ug Senador Christopher Bong Go.
Una niini, taliwala nga session break pa sa senado, gusto ni Senador Risa Hontiveros nga isubpoena sa pagdungog ang kanhi presidente aron mahuman na ang espekulasyon nga siya ang utok sa mga summary killings epekto sa gihingusgang war on drugs sa iyang administrasyon.
