CAGAYAN DE ORO CITY – Gipa-esplikar sa Camp Alagar ang Damulog Police Station kon nganong dunay komosyon tali sa grupo ni Municipal Mayor Melino Buro ug pipila ka personahe sa BIG FM radio station sa Damulog,Bukidnon.
Kini human unang gisilbi ni Buro ang mismo niya nga kamanduan batok sa maong estasyon nga temporaryong pasirad-an kay dagha’g kasupakan sa pag-operate niini sa ilang lugar.
Gibutyag ni PRO 10 spokesperson Lt Col Michelle Olaivar nga igo ra naghatag seguridad sa palibot ang ilang mga pulis kuyog ang pipila ka sundalo samtang gisilbi ang kamanduan sa mayor.
Apan dunay alegasyon nga diriyot maligsan si Buro sa sakyanan,hinungdang nasumbagan sa iyang security escort ang usa sa mga isog nga personahe sa maong estasyon.
