CAGAYAN DE ORO CITY – Mapugos paggamit sa puwersa sa security forces ang National Commission on Indigenous People’s o NCIP 10 batok tigdumala sa Kiantig Devt Corporation nga expire nang mi-okupar sa 900 ektaryang yuta nga iya sa tribung Manobo sa lungsod sa Quezon,Bukidnon.
Kini kon pabiling magmagahi ang pamilyang Lorenzo sa pagbakante sa maong luna nga upat ka tuig nang ilegal nila gitikad isip plantasyon sa pinya sa lugar.
Gihimo ni NCIP-10 regional legal officer Atty Dexter Precisio ang pasidaan nunot sa gisilbi nila nga ‘cease and desist order’ batok sa kompanya.
Dumduman nga gikasuhan sa kapolisan ang upat ka sekyu sa kompanya nga mga suspek pagpusil sa lima ka Manobo sa dihang gisulayan nila’g kuha ang porsyon sa maong yuta sa miaging Abril 19 ning tuiga.
