CAGAYAN DE ORO CITY – Gusto sa city govt nga magbaton sa kompanya nga e-kontrata pag-kolekta’g basura nga maghupot sa dili mominus 60 ka bag-ong garbage trucks aron matubag ang suliran sa kalimpyo palibot sa syudad.
Kini samtang patapusay na ang kontra sa Manila-based IPM company nga maoy nahatagan sa kontrata sulod sa siyam ka tuig alang sa pagkolekta sa mga basura palibot sa dakbayan.
Miingon si CLENRO officer Engr.Armen Cuenca nga gawas nga anaa sa 60 ka truck units ang huptan sa modaug nga bag-ong kontraktor,kinahanglang 90 porsiento usab nga pulos bag-o aron dili matanggong ang mga basura kon dunay pagkadaot niini.
Kasagara sa mga trak nga gigamit sa IPM pagpangulekta’g basura ang pulos na karaan rason nga dako na’g gipangayo nga repair maintenance ug kini ang hinungdan nga dili regular ang ilang pagsanong sa kontrata.
Samtang gitahasan sa city govt ang tanang brgy kapitanes sa 80 ka brgy nga sundon ug istrikto nga ipatuman ang segregation of waste program sa gobierno partikular ang ordinansa dinhi sa syudad.
Kini maoy nasabutan sa city waste management board sa dihang nagpatawag sa katiguman kay gipangandaman ang paghuman sa kontra sa kompanyang IPM sa Pebrero 5 ning tuiga.
Gibutyag ni Kag.Roger Abaday,chairman sa committee on environment sa konseho nga nabantayan nga pipila lang ka brgy ang nagsunod sa maong balaod rason nga misamot ang suliran sa basura sa dakbayan.
