Gipamugos sa Amihan National Federation of Peasant Women nga kompensasyon ug dili kay basta tabang lang ang gikinahanglan sa mga mag-uuma nga naapektuhan sa mga nilabay nga bagyo.
Gitumbok ni Secretary General Cathy Estavillo nga dili pwedeng saligan ang ₱5,000 nga ayuda sa UPLIFT tungod sa lisod nga rekisito diin kinahanglan pa nga adunay kaugalingong makinarya ang mga mag-uuma.
Gitin-aw usab niini nga ang ₱50,000 nga ilang gipangayong bayad-danyos makatabon sa 50 hangtod 70 porsyento sa cost of production aron makabangon sila gikan sa pagkalubong sa utang.
Dugang sa maong grupo, dungan sa maong pinansyal nga tabang, kinahanglang manubag usab ang mga dagkong opisyal sa gobyerno nga nag-abuso sa pondo sa flood control projects.
