“Kon dili masolusyunan ang pagsaka sa presyo sa lana, mapugos kami sa pagwelga ug walay biyahe sa kadalanan!”—Mao kini ang gipadayag ni UNIDA President Joel Gabatan tungod sa padayung pagsaka sa presyo sa petrolyo karong mga panahona.
Gipasabot sa opisyal nga wala na silay laing natala nga pamaagi aron paminawon sa gobyerno ang ilang 3 ka lagda ug gipangayo gawas sa pagpahigayon og lihok-protesta.
Aron malikayan ang maong welga, nag-unang hangyo sa ilang grupo ang dugang 2 ka piso nga pamasahe aron mahimong 15 pesos ang pinakaminimum nga pletehan.
Dugang pa ni Gabatan, kinahanglan usab nga kuhaon sa gobyerno ang 12 porsyento nga VAT sa petrolyo ug bag-uhon ang Oil Deregulation Law aron mabuhi ang mga drayber karong panahon sa krisis.
