CAGAYAN DE ORO CITY-Wala undangi sa intelligence community sa militar ug kapolisan ang pagsubay sa tanang kaila sa tulo ka sakop sa ISIS-Maute group nga unang nagpuyo sa syudad apan nasikop sa Iloilo City ning semanaha.
Kini sa tuyo nga masiguro nga dili malutsan sa bisan unsa nga pag-atake ang katawhan nga hinimuan sa maong grupo.
Gibutyag ni Cagayan de Oro City Police Office o COCPO spokesperson C/Insp Mardy Hortillosa II nga partikular nga gusto nga makuha sa intelligence community ang mga tawo nga naghatag suporta sa maong grupo diin nakapanghasi sa katawhan sa Marawi City ning panahona.
Maoy nasikop ug nakasuhan sa rebellion sila si Farida ug Ijahid Pangumping Romato ingon man si Abdulrahman Dimakutah tungod sa pag-angkon nga sila sakop sa ISIS-Maute.
