Politiko nga Kontratista sa DPWH, duol nang ipahungaw

Gipaningil nila Senate Blue Ribbon Committee Chairman Rodante Marcoleta ug Senate Pro Tempore Jinggoy Estrada si Presidente Bongbong Marcos kung kinsa ang iyang mga gitumbok nga mga politiko nga kontratista sa Department of Public Works and Highways (DPWH).  

Gisuportahan ni Estrada ang unod sa interpelasyon ni Marcoleta nga nagbulgar nga adunay duha ka assistant secretaries ug tulo ka undersecretaries sa DPWH nga adunay direktang kalambigitan sa proyekto sa Cabagan–Sta. Maria Bridge. 

Mahinumduman nga nahugno ug palpak ang maong tulay apan nagpabili gihapon sa puwesto ang nalambigit nga mga kalihim. 

Gikatingala ni Marcoleta kung nganong walay nikuwestiyon sa kapalpakan sa duruha, apan, gidugangan pa ang ilang responsibilidad.

 Namahayag si Marcoleta nga wala’y nasuspenso o napahamtangan sa disciplinary action sa mga opisyal nalambigit, ug ang driver lang sa overweight dump truck ang giakusahan sa DPWH. 

Gitawag pa ni Estrada nga “makauulaw” ang promosyon sa mga opisyal nga responsable sa proyekto nga nagkantidad sa ₱1.2 bilyon ug nahugno lang sulod usa ka bulan human kini gi-ablihan.