CAGAYAN DE ORO CITY – Himuan ni committee on games and amusement chairman Kag. Roger Abaday sa pagsusi ang kasamtangang kahimtang sa Philippine Offshore Gaming Operations o POGO hub nga wala na nag-operate sulod sa Alwana Compound sa Brgy Cugman sa dakbayan.
Kini human wala matago kang Abaday ang impormasyon ilabina nga pipila sa military ug police officials ang gipatawag sa kamarabaha aron mohatag sa katin-awan.
Siya miingon nga positibo kini nga kalambuan sa isyu kay aron maseguro nga walay illegal POGO hubs nga maglihok sa dakbayan.
Ulahing nag-operate ang POGO hub sa Alwana niadtong Hulyo 2023.
Hisayrang natawag ang atensyon sa Cagayan de Oro kay milugwa sa imbestigasyon nga tipik sa gika-transaksyon ni dismissed Bamban Mayor Alice Gou naggikan dinhi sa Northern Mindanao region.
