CAGAYAN CAGAYAN DE ORO-Laumang ilusad sa konseho ning syudad ang labing unang public hearing sa taas-singil sa tubig sa Cagayan de Oro Water District (COWD).
Miingon si Councilor Edna Dahino, Chairman sa committee on finance sa City council nga gi-awhag nila ang tanan konsumante nga mupabati sa ilang yango-ngo sukad nagpalugwa sa abiso ang water district nga patungan na sab nila ang singil sa tubig.
Una niini namugos si COWD Chief Engr Bienvinido Batar nga mupatuman silag umento aron ipakang sa balayrunon sa Ecological Services and Protection Fee Ordinance.
Mismo si Dahino ang misugilon nga dunay maayong tumong ang sugyot sa COWD tungod kay kini nga balayrunon nagtumong sa pagprotiher sa watershed areas sa lungsod.
