CAGAYAN DE ORO CITY-Gi-kuwestiyon human makurat ni Konsehal Zaldy Ocon ang hilom nga pagsulod sa kontrata sa COWD ngadto sa Metro Pacific aron ipadayon ang panubig sa syudad.
Miingon si Ocon nga dili labaw sa balaod ang board of directors nga igo lamang tinudlo sa mayor hinungdan nga angay mangayo sila’g panugot sa konseho sa sudlan niining mga transaksyon.
Dugang ni Ocon nga pa gani matubag sa COWD ang finding sa COA nga disallowances,misulod na usab kini sa laing kontrobersyal nga pangontrata alang sa panubig ning dakbayan.
Samtang gilayong mi-depensa si Majority Floor Leader Kag Ian Mark Nacaya kon nganong wala pahibal-a sa COWD ang liderato sa konseho sa transaction sa COWD ug Metro Pacific sa panubig sa syudad.
Miingon si Nacaya nga wala sa hurisdiksyon sa syudad ang gisudlan sa COWD sanglit ubos sila sa govt owned and controlled corporation o GOCCs.
Apan miingon si Nacaya kon angay mga mangunay nga idumala sa syudad ang panubig sa katawhan angay nga tun-an kini aron dili mahimong problema pag-abot sa panahon.
Samtang namugos si Konsehal Bong Lao nga may dakong katungod ang syudad nga manginlabot sa sudlan nga mga transkasyon sa COWD ilabina kon hisgutan ang interes sa katawhan.
Miingon si Lao nga nalatid sa presidential decree 198 nga may mahimo ang dakbayan sukwahi sa gipamugos sa mayoriya sa konseho.
Natuki ang maong isyu tungod sa dako nga ibaligya nga presyo sa tubig sa Metro Pacific diin nagbalor sa 16 pesos ug 35 sentabos.
Nasayran nga nagtanyag ang Cagayan de Oro Water Technologies & Devt Corporation sa 8 pesos kada-cubic meter sa panubig hinungdan nga ituki kini sunod semana.
