CAGAYAN DE ORO CITY-Moduso’g resolusyon ang Committee on Health sa konseho nga nagtumong sa pag-inspeksiyon sa mga tattoo industry sa syudad.
Tumong niini nga ma-protehiran ang katawhan batok sa mga sakit nga posibleng makuha tungod sa dagom nga gamiton sa pagpa-tattoo.
Matud ni City Councilor Jay Pascual nga gusto nilang seguradohon nga luwas batok sa sakit nga Hepatitis ug HIV-AIDS ang mga gusto magpa-tattoo.
Una nang nakadawat og report ang komitiba nga misaka ang kaso sa HIV-AIDS sa syudad tungod sa recycle nga dagom sa mga ga-tattoo.
