CAGAYAN DE ORO CITY-Gikompirmar ni City Coun Bong Lao,chairman sa komite sa public utility sa konseho nga apektado ang linya sa Rio Verde Consortium diha sa Taguanao,Brgy Indahag sa syudad.
Kini human unang apektado ang giingong 50-mil ka konsumante sa Cagayan de Oro Water District o COWD nga gisuplayan sa Rio Verde.
Gibutyag ni Lao nga mabalik na sa normal ang water supply sa COWD ugma sa hapon.
Una nang gibatikos sa publiko ang COWD ug Rio Verde tungod sa pila ka adlaw nga walay agas ang tubig diin apektado ang giingong 50-mil ka konsumante.
Apan giklaro ni Lao nga wala nila makit-i ang actual nga naigo sa linog nga pipeline hinoon may indikasyon nga adunay gi-trabaho ang Rio Verde.
