Dili lisensya ang kadaghanan ka suporta aron abusaran og supakon sa usa ka opisyal ang balaod, mao kini ang pasidaan ni Pinoy Aksyon Convenor Bencyrus G. Ellorin sa mga katawhan karong panahona nga nagkabahin-bahin na tungod sa lain-laing baruganan ug gisuportahan.
Hinoon, gipahinumdoman niya ang publiko nga ang proseso sa impeachment usa ka konstitusyonal nga pamaagi aron masiguro ang tulubagon ug hustisya sa gobyerno.
Nunot niini, gipamugos ni Ellorin nga angay mubarog ang katawhan alang sa konstitusyon inay nga magsunod-sunod lang sa mga giidolo ug gipanatiko nga mga politiko, mapa Duterte man o Marcos.
Busa,iyang gipanawagan nga gikinahanglan gayod nga magkahiusa ang mga Pilipino aron malikayan ang pag-usik sa nasudnong direksyon tungod lamang sa iyang giingong “bando-bando” sa politika.
