Dili makatambong ang pipila ka senador sa paglagda sa 2025 General Appropriations Bill nga gikatakda sa Disyembre 30 sa Malakanyang.
Namahayag si Senate Pro Tempore Jinggoy Estrada nga duna kini “previous commitment”,busa dili makasaksi sa pagpirma ni Presidente Ferdinand Marcos Jr sa budget nga gamiton sa gobyerno sunod tuig.
Sa pikas bahin, dili usab makatambong si kanhi Senate President Juan Miguel Zubiri tungod kay naka-eskedyul na ang iyang bakasyon sa gawas sa nasud ning semanaha.
Hinoon, milaum ang duha ka senador nga gamiton ni President Marcos ang iyang veto powers aron dili kini kuwestiyonon sa korte suprema, ilabina nga mas taas pa ang gibubo nga budget sa Dept of Public Works and Highways,inay sa Departamento sa Edukasyon.
Subay sa balaod ang sektor sa edukasyon ang numero unong prioridad sa gobyerno kung hisgutan ang pagbahin bahin sa pondo, busa, taas ang tsansa nga madeklarar ang gipasar nga sa 2025 GAB sa senado ug kamarabaha nga unconstitutional.(Bombo Anne Quileste).
