CAGAYAN DE ORO CITY – Ikinatuwa ni Misamis Occidental Provincial Police Office Director Sr/Supt Jeysen de Guzman ang nagbalik-serbisyong hepe ng Ozamiz City Police Station.
Aniya, umapela si Chief Insp Jovie Espenido kasabay ang dalawang kasamahan nito laban sa 90 araw na preventive suspension.
Unang nasangkot si Espinedo sa kasong administratibong isinampa ng TV actor at ngayon si Ormoc City Mayor Richard Gomez sa National Police Commission (NAPOLCOM).
Naglabas na ang Camp Crame sa direktibang isantabi muna ang suspensiyon ni Espenido.
