Gipagawas na kagabie sa Peanut Gallery Media Network (PGMN) ang 90‑minute video exposé nga giulohan “The Scandal That Should Finally END Martin Romualdez | by CJ Hirro”.
Ang dokumentaryo naglatid sa alegasyon sa korapsyon ug sa flood control project scam nga nalambigit kang kanhi House Speaker Martin Romualdez, kabahin sa padayon nga pagsaka sa budget matag tuig bisan pa nga layo kini sa aktuwal nga nagasto sa miaging mga tuig.
Gitudlo usab sa PGMN ang asawa ni Romualdez nga si Tingog Partylist Representative Yedda Romualdez, nga nagsilbi usab isip kanhi Chairperson sa House Committee on Accounts, diin nahitabo ang dagkong pagsaka sa budget.
Ang release sa video misangko sa kasamtangang kontrobersiya human sa reklamo sa kampo ni Romualdez nga adunay extortion attempt nga nagkantidad P350-milyon batok sa PGMN. Hisayran nga nadakpan sa entrapment operation ang PGMN founder nga si Franco Mabanta, samtang si CJ Hirro, ang anchor nga makita sa video, gipa‑subpoena sa National Bureau of Investigation (NBI)
