CAGAYAN DE ORO CITY-Temporaryong gawasnon ang kontrobersyal nga media blocktimer nga si Siegfred ‘Jigs’ Padua gikan sa pila ka semana nga pagka-priso sa city jail sa Brgy Lumbia ning syudad.
Kini bisan sa back-to- back nga kasong cyber libel diin pulos gilugwaan sa warrant of arrests sa korte tungod sa nakit-ang probable cause niini.
Una nang gibutyag ni Crime Against Persons and Property Desk o CAPPD chief PoIice Sr Insp Mario Manatala Jr nga mismo sila ang misilbi sa warrant of arrest samtang anaa sulod sa selda si Padua.
Si Padua ang gikasuhan sa duha ka school principals tungod sa mga gihimong pag-atake niini dihang nagdumili paghatag sa pabor nga iyang gipangayo sa naglabay’ng katuigan.
