Giklaro ug gisaway sa Chairman sa Professional Regulatory Board of Criminology nga si Atty. Ramil Gabao ang kontrobersyal nga isyu sa slot for sale sa recruitment sa Bureau of Fire Protection diin adunay mga nagbayad ug mipalit og posisyon.
Tungod niini, gipahayag sa opisyal ang dako nga kaguol ug kadismaya alang sa mga registered criminologist nga naapektuhan sa ilegal nga kalihokan human gipasakaan na og kaso sa korte ang pipila ka opisyal sa ahensya.
Gumikan niini, gitin-aw sa opisyal nga matod sa balaod nga RA 11131, libre ug exempted na unta sa bisan unsang entrance exam ang mga lisensyadong criminologist nga gustong mosulod sa public safety agencies.
Gidugang pa sa opisyal nga ang pagbalibad sa BFP sa balaod ug ang pagpatuman og dili makatarunganong patakaran maoy nagpasakit ug naghikaw sa katungod sa mga nangandoy nga mag-alagad sa nasud.-
