Gikonsiderar ni Andre Josol, Chairman sa Liberal Youth Northern Mindanao, nga usa na ka social cancer ang kahimtang karon sa Pilipinas tungod sa grabe nga epekto sa korapsyon sa katawhan.
Subay sa iyang pahayag, gipunting niya nga ang mga bilyones nga pondo nga unta gigahin alang sa mga eskwelahan, serbisyong pang-healthcare, ug pabahay sa mga nanginahanglan ang gipang-kawat lang sa mga abusadong politiko.
Busa, gipadayag niya nga angay na gyud nga tangtangon ang maong social cancer ug hugot nga ilaban ang pagwagtang sa korapsyon sa gobyerno.
Tungod niini, nanawagan siya sa tanan nga molihok aron masulbad ang maong matang sa pagpangawkaw nga naghatag og dakong kasakit sa katilingban.
