Gikondena ni Pastor Jeff Baconga sa Cagayan de Oro Evangelical Council nga nahimo na nga kultura sa nasod ang korapsyon, diin kini usa ka kabilin nga napanunod gikan sa mga kanhing kolonyalista ug lawom na nga naka-ugat sa atong katilingban.
Gipatin-aw ni Baconga nga tungod niini nga kahimtang, dili na mahimong paagi ang mga rally aron pukawon ang konsensya sa mga korakot nga opisyal.
Hinuon, gipamugos niya nga angay na kining sulbaron pinaagi sa pag-ampo ug direkta nga divine intervention imbis nga magsalig sa konsensya sa mga tawo nga maanad na sa maong bisyo.
Busa, nanawagan siya nga kinahanglan gayud ang maong espirituhanong pagpangilabot aron matul-id ang sistema sa atong nasod.
