CAGAYAN DE ORO CITY-Gipasaka na sa kapolisan batok Koryano ug laing upat ka lalaki ang kasong pagbaligya’g gidiling droga ug paggamit niini diha sa piskalya sa syudad.
Kini human nasikop sa anti-illegal drugs operation si Korean Kevin Young Ju ingon man ang target nga si Jovern Balangaiao Uy sa lungsod sa Lagonglong,Misamis Oriental kagabii.
Nasikop usab kuyog ni Ju ang magsoon nga si Hannah ug Kimberly Bernal ingon man si Aldrin Pacoma nga pulos nagpuyo dinhi sa syudad.
Miingon si Divisoria Police Station commander Sr/Insp Maricris Mulat nga nakuha gikan sa mga suspek ang 70 gramos nga gitoohang shabu diin nagbalor sa kuwatro sientos bayente -mil pesos ug dos-miel pesos nga marked money.
Si Uy ang kauban sa tulo ka Maranao Muslims nga unang nasikop nila ni Mulat sa usa ka hotel sa Brgy Kauswagan sa syudad sa miaging gabii sa Marso 26.
Samtang pampagana sa paghilawas hinungdan nga migamit sa gitoohang shabu ang Koreano nga kabahin sa lima ka dinakpan sa kapolisan diha sa Lagonglong,Misamis Oriental kagabii.
Kini ang gipamugos ni Ju kinsa nasikop sa anti-illegal drug buy bust operation sa kapolisan kagabii.
Namahayag si Ju nga sa dili magdugay ug kini subli ra gihapon nga mahimong gawasnon bisan sa giatubang nga kaso sa piskalya.
Si Ju ang giingong trato sa usa sa mga magsoong Hannah ug Kimberly Bernal nga kabahin sa nasikop sa mga otoridad.
