CAGAYAN DE ORO CITY- Gimanduan ni RTC Branch 19 Presiding Judge Evelyn Gamotin-Nery sa NBI-10 ug PNP ang pagsikop sa mga tawo nga naghupot sa walo ka bata ug unom ka babaye nga kabahin sa mga bakwit sa kapitolyo probinsyal ning lalawigan.
Kini human unang mi-reklamo ang tagtungod sa sa mga biktima hinungdan gipatawag ni Nery ang mga lider sa bakwit nga si Datu Reynaldo Ayuma ug Sarisa Acosta ning syudad.
Miingon si Misamis Oriental Provincial Legal Officer Atty Neil Pacana nga mag-atubang sa kasong kriminal ang mga tawo nga mitago sa 14 ka bakwit.
Una untang itugyan unta sa DSWD custody apan kalit gipangdagit sa miaging semana.
