Gitawag ni Kanhi Presidential Spokesperson Atty Harry Roque nga inutil na ang mga hukmanan sa Pilipinas kay gitugotan nga madala sa gawas sa nasud si kanhi Presidente Rodrigo Duterte aron taralon sa International Criminal Court (ICC).
Namugos si Roque nga ang pag-aresto ug pagdala kang Duterte sa The Hague, Netherlands, usa ka tin-aw nga paglapas sa soberanya sa Pilipinas.
Alang kaniya, dili ang pagka-priso ang labing sakit nga nadangatan ni Duterte, apan ang pagbaliwala sa kagawasan ug independensya sa nasud.
Namugos si Roque nga dili unta angay taralon si Duterte sa ICC tungod kay ang hurisdiksyon sa ICC nagsilbing “prospective” lamang, base sa Rome Statute.
Busa, bisan pa’g mobalik ang Pilipinas isip miyembro sa ICC, dili kini makaimbestigar sa mga panghitabo sa panahon sa administrasyon ni Duterte.
Nagtoo si Roque nga daghan ang nalipay sa pagbahug sa kanhi presidente sa langyaw nga hukmanan kay sila nangandoy pa nga mahuptan sa Pamilya Marcos ang tibook Pilipinas hangtud sa hangtud.
