Nagpaabot og dako nga kontrobersiya ang dagan sa impeachment batok kang Vice President Sara Duterte sanglit dili klaro sa balaod kon pila gyud ka boto sa Senado ang gikinahanglan aron matangtang siya sa pwesto.
Gitin-aw ni Liceo de Cagayan University College of Law Atty. Samson So Tan nga pwedeng moabot sa 16 ka boto ang kinahanglanon kon ibase kini sa tanang miyembro sa Senado.
Gipahayag usab sa abogado nga makita ang lihok sa pipila nga gusto gyud nga masilotan ang Bise Presidente gamit ang mas gamay nga boto aron mas dali kini nga matangtang.
Apan gipahinumdoman ni Tan nga Korte Suprema gihapon ang magdesisyon kon aduna ba’y supak sa balaod sa gihimong proseso sa Senado batok kang VP Duterte.
