CAGAYAN DE ORO CITY – Sundon sa 4ID,Philippine Army ang mando sa korte nga ipang-demolish na ang sobra 400 ka balay nga nag-okupar sulod sa duha ka lote diha sa Camp Evangelista,Brgy Patag ning syudad.
Kini ang tubag ni 4ID spokesperson Lt Col Francisco Garello Jr batok sa mga batikos nga ilang nadawat gikan sa mga residente nga apektado sa demolasyon sa umaabot Abril 1 ning tuiga.
Siya miingon nga katungod sa mga residente ang pagpadayag apan angay lang sundon ang sugo sa balaod.
Sa miaging Domingo sa hapon,gi-ralihan sa gatusang residente ang 4ID headquarters kay alang kanila,paghikaw kini sa gobierno ilang katungod sa maong mga yuta.
Unang namugos ang mga residente nga kon dunay demolasyon nga angay sila mahatagan sa ilang house relocations.
Hisayrang gibarugan sa mga sibilyang pamilya nga 30 hangtod 50 ka tuig na sila nag-okupar sa yuta nga ilang gipuy-an apan pagklaro usab sa 4ID nga tuig 1937 pa o halos 90 anyos na ang pagsilbing military reservation sa maong duha ka tituladong yuta.
